एक बर्षअघि विद्यार्थी भिषामा जापान प्रवेश गरेकी ‘मिस पोखरा २०१४’की सेकेण्ड रनर अप उपाधि विजेता पुनम गुरुङले नेपाली म्युजिक भिडियोमा डेव्यू गरेकी छिन् । चर्चित गायिका अञ्जु पन्तको आवाजमा रहेको ‘तारा गन्दै छु’ बोलको गीत मार्फत गुरुङ म्युजिक भिडियोमा भित्रिएकी हुन् ।
जापानको विभिन्न रमणिय ठाउँमा छायांकन गरिएको यस भिडियोलाई हाँस्य कलाकार सुलेमान शंकर (ईकु)ले निर्देशन गरेको हुन् । केही समयअघि कार्यक्रमको शिलशिलामा जापान आएका ईकुले दुई म्युजिक भिडियोमा निर्देशन गरेका थिए ।
सानैदेखि मोड्लिङमा रुचि राख्ने, सञ्चारकर्मी समेत रहेकी गुरुङलाई भिडियोमा उत्तम श्रेष्ठले साथ दिएका छन् । गीतमा बि पाण्डेको शब्द, सुरेश अधिकारीको संगीत रहेको छ । भिडियोलाई इन्द्र भण्डारी र बिनोद भण्डारीले खिचेका हुन् ।
त्यस्तै भक्त बन्तवा (अनुरोध)को शब्द, विश्व नेपालीको स्वर तथा संगीत रहेको ‘नजिकबाट हैन’ बोलको गीत पनि सार्वजनिक गरिएको छ । सो गीतमा पनि गुरुङकै अभिनय रहेको छ ।